Ağıllı poç qutuları — Onlayn sifarişin əldə olunmasının daha asan yolu

Karqo şirkətləri vasitəsi ilə xaricdən sifariş etdiyimiz məhsulları əldə etmək rahat və asan olacaq. Çünki ölkəmizdə KARQOMAT adlandırılan ağıllı poçt qutularının tətbiqinə başlanılıb. Layihə İqtisadiyyat Nazirliyi yanında Kiçik və Orta Biznesin İnkişafı Agentliyinin dəstəyi ilə həyata keçirilir. Agentliyin şöbə müdiri  "Kargomat" tam avtomatlaşdırılmış poçt qutularından ibarət terminaldır. Bu aparat vasitəsilə bağlamaları günün istənilən vaxtı növbə gözləmədən əldə etmək mümkündür. 

Ağıllı poçt qutusunun istehsalçılarından olan Dursun Başgöl Demokrat.az-a bunları dedi:

“Təxminən 3 ay yrımdır test edilir. Test ediləndən sonra isə bis onu istehsala verdik. İlk mərhələdə KOBİA-nın sifarişçi firma ile tanışdırılması ile başladı bu. İlk mərhələdə 50 ədəd düzəldildi. İlin sonuna qədər 500 ədəd də ediləcək. Hamısı elektron kilidlərdir, qırmaq mümkün deyildir, ancaq şifrə ilə açmaq mümkündü” 

Poçt qutuları sensor ekran, POS-terminal, QR-kod və barkod skanerlər, videomüşahidə kameraları, etibarlı elektron qıfıllarla təchiz olunub. Bağlamaların ölçüsünə uyğun olaraq "Kargomat"larda müvafiq yuvalar var. Karqo şirkətlərindən fərqinə gəlincə isə, KATV kabel televiziyasının şöbə müdiri Elvin Əlibəyli bildirdi ki, burda heç bir insan faktoru, vaxt itkisi yoxdur.

“Burada heç bir insan faktoru yoxdur, vaxt itkisi yoxdur, 7/24 çalışır. Bəzən olur ki, vətəndaşlar işdən çıxır. Gecikir, çatdıra bilmir karqo şirkəti saat 6-dan sonra bağlanır. Burada isə fərq etmir, 7/24 işləyən marketlərdə yerləşdiriləcək qutular və vətəndaşlarımız oradan öz sifarişlərini əldə edə biləcək.”

"Kargomat"ın işləmə prinsipi çox sadədir. Alıcı onlayn mağazada məhsulu sifariş etdikdən sonra çatdırılma üsulu kimi özünə ən yaxın olan "Kargomat" terminalını seçir. Və baglama həmin terminala yerləşdirilir. Poçt qutuları həm də video müşahidə kameraları və elektron qıfıllarla təchiz edilib ki, bu da müştərilərin sifarişlərinin təhlükəsiz saxlanmasını təmin edir. 

“Kuryer yaxınlaşır məhsulla birgə burada işarə var onu klikliyir və qr kod gəlir və mobil aplikasiya vasitəsi ilə qr kodu scan edir. Avtomatik olaraq açılır qutu və kuryer qutuya yerləşdiri sizin sifarişinizi. Bağladıqdan sonra sonlandırır əməliyyatını. Bəs müştəri məhsulu necə əldə edir? Müştərilər məhsulu çox asan üsulla əldə edir. Kuryer məhsulu terminala yerləşdirəndən soinra müştəriyə 6 rəqəmli şifrə göndərilir. Müştəri yaxınlaşır terminala və smsdə qeyd olunan 6 rəqəmli şifrəni daxil edir terminala və sifarişi əldə et klikləyir qapı açılır.”

Üç gün ərzində bildirişdə qeyd olunan kodu daxil etməklə bağlamanı əldə etmək mümkündür. Bir sıra xarici ölkələrdə çatdırılmanın 70%-dən çoxu məhz "ağıllı poçt qutuları" vasitəsilə həyata keçirilir.