Lentsov Xankəndində aqressiv qarşılandı - Detallar

Rusiyanın Qarabağdakı müvəqqəti sülhməramlı kontingentinin yeni komandiri, general-polkovnik Aleksandr Lentsov bu gün İrəvana gedəcək.

Open.Az xəbər verir ki, bu barədə Ermənistan KİV məlumat yayıb.

Qeyd olunur ki, Lentsov orada Ermənistanın müdafiə naziri Suren Papikyanla görüşəcək.


Qeyd edək ki, Lentsov Xankəndində heç də xoş qarşılanmayıb. Dünən separatçıların rəhbəri Araik Arutyunyanla görüşdükdən sonra o, son vaxtlar Rusiyanı kəskin tənqid edən Tiqran Petrosyanla bir araya gəlib. Petrosyan görüş zamanı generala Rusiya sülhməramlılarının Qarabağda etimadının qalmadığını bildirib. Lentsov isə Qarabağa məhz Laçın yolu ilə bağlı böhranın aradan qaldırılması üçün gəldiyini deyib.

Onu da qeyd edək ki, Petrosyan Paşinyanın adamı sayılır. O, Lentsovun gəlişindən bir gün öncə qondarma rejimin “antiböhran şurasına rəhbəri” təyin edilib.

Open.Az