"Günel, Rezaya qayıtma, daha çox üzüləcəksən

Axşam.az xəbər verir ki, proqramda təqdim edilən süjetdə Günelin iş adamı, keçmiş nişanlısı Reza Zərrabla barışdığı bildirilib. Buna səbəb isə Mayamidə istirahətdə olan Günelin paylaşımına "Dəli-doludur, "R", qəlbim" şərhini yazaraq ürək emojiləri qoyması olub.

Aparıcılardan olan Pınar Eliçe "Günel Rezaya qayıdarsa, böyük qalmaqal olar. Bəzən məşhurları başa düşmürəm. Günel də Reza da özəl həyatlarından danışılmasını istəmirlər. Zəng vurub, niyə danışdınız deyirlər. Bir tərəfdən də Günel bir "R" yazır və beyinləri qarışdırır. Günel, əgər məni izləyirsənsə, sınaqdan keçirtdiyini yenidən sınamayacaqsan. Daha çox üzülüb geri dönərsən. Keçmiş bir enerjiyə enerji xərcləməkdənsə, yeni qapılar açaram. Bu qızın gəlinliyi asılı qaldı. Yenidənmi, aldatılsın? Rezanın Günelə hiss etdiyi vicdan ola bilər? Günel, sən necə bir dağıntının altından ayağa qalxdığının fərqindəsən? İndi Günel güclüdür, Rezaya qayıtmasına ehtiyac yoxdur" sözlərini söyləyib. 

Bircan Bali isə "Rezada vicdan yoxdur. Reza Güneldən tam olaraq gedə bilməyib. Özünü hər an xatırladır" sözlərini əlavə edib. 

Ebru Şancı isə "Güneldə bitməlidir, bu dəftər bağlanmalıdır" deyə, fikirlərini bölüşüb. 

Qeyd edək ki, Günel əvvəllər Reza Zarrabla nişanlı olub. İş adamı Günelə müğənni Ebru Gündeşlə xəyanət edib və onunla evlənib. Bu səbəbdən uzun illərdir ifaçılar arasında küsülülük var. 

Ebru ilə Rezanın da evliliyi uzun çəkməyib, onlar boşanıblar. Ebru müğənni Hadisənin Reza ilə münasibətdə olduğu iddia edildikdən sonra onlar arasında da qalmaqal yaşanıb.