Tanınmış plastik-cərrah bağ evində öldürüldü - FOTO
5 330
07.05.23
Ötən gecə Abşeron rayonu, Novxanı kəndi, İlqar Mirzəyev küçəsində yerləşən bağ evində qətl törədilib.
“Qafqazinfo”nun məlumatına görə, saat 00 radələrində Türkiyə vətəndaşı, 1967-ci il təvəllüdlü Muhammet Gündüz həyat yoldaşı, tanınmış plastik-cərrah Türkan Yafəs qızı Gündüzü bıçaqlayıb. Ağır xəsarətlər alan 41 yaşlı qadın hadisə yerində vəfat edib.
Bildirilir ki, Türkan Gündüz ixtisaslı plastik cərrah, proktoloq olub. O, bir sıra tanınmış klinikalarda, eləcə də Türkiyədə “Acıbadem” xəstəxanasında fəaliyyət göstərib, həmçinin vaxtaşırı televiziyalarda qonaq olub. T.Gündüzün son iş yeri Bakıda “City Hospital” klinikası olub.
Qətli törədən Muhammet Gündüzün isə biznes fəaliyyəti ilə məşğul olduğu, onların 14 il əvvəl ailə həyatı qurduğu bildirilir.
Hadisəni törədən M.Gündüz saxlanılıb. Faktla bağlı Abşeron Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hadisənin hansı zəmində, hansı şəraitdə və nə səbəbə baş verməsi hələlik məlum deyil, araşdırmalar davam etdirilir.
Oxşar Xəbərlər:
Bakıda evində qətlə yetirilən şəxs tanınmış vəkilin qardaşı imiş - YENİLƏNİB
İmtahanda az bal topladı, özünü 15-ci mərtəbədən atdı - VİDEO
Bakı-Sumqayıt yolunda əməliyyat keçirildi, heroin alverçisi yaxalandı
Azərbaycanda prorektoru öldürməkdə şübhəli bilinən şəxs 12 il sonra müəyyən edildi
Lerikdə elektrik cərəyanı bir ailənin dörd üzvünü vuraraq öldürdü - YENİLƏNİB
"İskəndər dedi ki, Rəşad çaşsa, onu vuracaq"
