İsa Qəmbərin oğlu niyə ermənilərə yarınmaq istəyir?

Open.Az Kulis.az-ın Rəna Nevzatın yeni yazısını təqdim edir.
Robert de Nironun “Bir Bronks əhvalatı” filmi kinoda “atalar və oğullar” mövzusuna ən möhtəşəm örnəklərdən biridir. Filmdə Kalocera adlı bir uşaq yaşadığı məhəllənin mafiya başçılarından olan Sonninin bir nəfəri öldürməsinə şahidlik edir. Polis soruşanda isə yalan deyir və Sonnini həbsxanaya düşməkdən xilas eləyir.

Sonninin atası sadə avtobus sürücüsüdür. Oğlunu dəfələrlə çəkindirməyə çalışsa da, buna mane ola bilmir. Çünki artıq zəhər oğlunun qanına nüfuz eləmişdi. Ardını yazmıram, özünüz axtarıb baxarsınız.
Dünən sosial şəbəkələr bir xəbərlə çalxalanırdı. İsa Qəmbərin oğlu İlkin Qəmbərin qondarma erməni soyqırımı ilə bağlı paylaşımı. Bu paylaşım onun da üstünü açdı ki, sən demə, İlkin Qəmbər “Ermənistan Krallığı - Roma ilə Parfiya arasında - Qədim tarix" adlı sənədli film də çəkibmiş. Filmi ərsəyə gətirənlərin arasında başqa azərbaycanlılar da var.