12:51 Bakıda sexdəki yanğında ölənlər arasında Gürcüstan vətəndaşı da var  ||     16:12 Yeniyetmənin intihar səbəbi dəhşətə gətirir - İcazəsiz...  ||     16:11 Aktrisa Aysel LÜKS avtomobilində - FOTO  ||     16:09 Hər gün istifadə etdiyimiz şirin zəhər: ÜST xərçəngə səbəb olduğunu elan etdi  ||     16:08 Bakı metrosunda halı pisləşən sərnişin vəfat etdi  ||     16:07 Məşhur müğənninin adı QARA SİYAHIYA salındı - SƏBƏB...  ||     16:06 Alyaskada 7,4 ballıq zəlzələ: Sunami xəbərdarlığı edildi  ||     10:14 Separatçılar Azərbaycanın hava məkanında sərnişin təyyarələrinə qarşı radiomaneələr tətbiq ediblər - RƏSMİ  ||     20:15 Kargo şirkətlərinə qarşı böyük haqsızlıq – NAXÇIVAN GÖMRÜYÜNDƏN ŞİKAYƏT  ||     15:57 Prezident generala yeni vəzifə verdi  ||     14:19 CZN Burakın anası həbs olundu  ||     11:53 Hansı ərazilərdə ev tikənlərə “kupça” veriləcək? - VİDEO  ||     11:52 Azərbaycanda müşahidə edilən FAKTİKİ HAVA  ||     12:00 Xəzər dənizində zəlzələ qeydə alınıb  ||     11:58 Azərbaycanda taksi kimi istifadə olunan avtomobillərdə taksometr quraşdırılması məcburi olacaq  ||     17:05 “Bakı Metropoliteni”dən 2 milyonluq TENDER – Eyni şirkətlər yenə də QALİB OLDU – FOTO  ||     17:02 “Raziyə başımla cavabdehəm. 1 həftədir ki, oğlanın evli olduğunu bilib” - Pərvin  ||     17:00 Fəlakətlə üz-üzə qalan Ukraynada son vəziyyət necədir? - VİDEO  ||     16:59 Daha bir məktəbdə rüşvət qalmaqalı: “Yazığın heç kimlə işi olmur” - VİDEO  ||     16:57 İcra başçısının sabiq müavini həbs edildi  ||    

Avropa çempionatı: Mariya Stadnik finalda, Kolesnik bürünc medal üçün yarışacaq - YENİLƏNİB

Avropa çempionatı: Mariya Stadnik finalda, Kolesnik bürünc medal üçün yarışacaq - YENİLƏNİB
4 236
19.04.23
Azərbaycanın daha bir qadın güləşçisi Xorvatiyanın paytaxtı Zaqrebdə keçirilən Avropa çempionatında yarımfinal görüşünü keçirib.
Oxu.Az-ın məlumatına görə, 59 kq-da çıxış edən Alyona Kolesnik ukraynalı Yuliya Tkaçla üz-üzə gəlib.
Rəqibinə 0:10 hesabı ilə məğlub olan Azərbaycan təmsilçisi finala çıxmaq şansını əldən verib. O, bürünc medal qarşılaşmasında türkiyəli Eda Tekini sınağa çəkəcək.
55 kq-da yer alan Elnurə Məmmədova da 3-cü yer uğrunda mübarizə aparacaq. Buna idmançının 1/4 finalda uduzduğu rumıniyalı Andrea Ananın finala vəsiqə qazanması səbəb olub.
Qeyd edək ki, daha əvvəl sərbəst güləşçilərdən Əliabbas Rzazadə (57 kq) və Hacı Əliyev (70 kq) qızıl, Maqomedxan Maqomedov (97 kq) gümüş medal əldə edib. Avropa çempionatı aprelin 23-də başa çatacaq.
19:15
Azərbaycanın qadın güləşçisi Mariya Stadnik Xorvatiyanın paytaxtı Zaqrebdə keçirilən Avropa çempionatında yarımfinal görüşünə çıxıb.
Oxu.Az-ın məlumatına görə, 50 kq çəki dərəcəsində mübarizə aparan 35 yaşlı idmançı finala gedən yolda polşalı Anna Lukasyakla qarşılaşıb.
Rəqibinə 9:0 hesabı ilə qalib gələn Stadnik həlledici qarşılaşmaya vəsiqə qazanıb. Ukrayna əsilli səkkizqat Avropa çempionunun finaldakı rəqibi həmyerlisi Oksana Livaç (Ukrayna) olacaq.
16:05
Xorvatiyanın paytaxtı Zaqrebdə keçirilən güləş üzrə Avropa çempionatı davam edir.
Oxu.Az-ın xəbərinə görə, Azərbaycanın qadın güləşçilərindən ikisi qitə birinciliyində yarımfinala adlayıb.
50 kq çəki dərəcəsində yarışan Mariya Stadnik iki rəqibini məğlub edərək, yarımfinala yüksəlib. Səkkizqat Avropa çempionu əvvəlcə türkiyəli Evin Demirhana, 1/4 finalda isə fransalı Culye Sabatyeyə qalib gəlib.
59 kiloqramdakı Alyona Kolesnik mübarizəyə 1/4 finalda başlayıb. O, burada Morena de Vitanın (İtaliya) kürəyini yerə vuraraq yarımfinalda yarışmaq hüququ qazanıb.
Digər qadın güləşçi Elnurə Məmmədova (55 kq) 1/8 finalda Litva təmsilçisi Laura Staneliteni üstələyib. Lakin növbəti mərhələdə o, rumıniyalı Andrea Anaya uduzub. Əgər rumın güləşçi finala yüksələ bilsə, Elnurə bürünc medal uğrunda mübarizə aparmaq hüququ əldə edəcək.
Bu gün, həmçinin, sərbəst güləşçimiz Abubakr Abakarov bürünc medal uğrunda güləşmək hüququ qazanıb. 86 kq çəki dərəcəsində çıxış edən idmançı təsəlliverici qarşılaşmada İvars Samusonoksa (Latviya) qalib gəlib. O, üçüncü yer uğrunda slovakiyalı Boris Makoyevlə üz-üzə gələcək.
74 kq-dakı Cəbrayıl Qadjiyev Soner Demirtaşa (Türkiyə) yenilib və medal şansını əldən verib.
11:18
Xorvatiyanın paytaxtı Zaqrebdə keçirilən güləş üzrə Avropa çempionatı davam edir.
Oxu.Az xəbər verir ki, bu gün Azərbaycanın üç qadın güləşçisi mübarizəyə başlayacaq.
50 kq çəki dərəcəsində çıxış edən Mariya Stadnik təsnifat mərhələsində Evin Demirhanla üz-üzə gələcək. 55 kq-dakı təmsilçimiz Elnurə Məmmədova litvalı Laura Stanelite ilə görüşəcək. 59 kq-da yarışan Alyona Kolesnik 1/4 finalda Yovana Radivoyeviç (Serbiya) - Morena de Vita (İtaliya) cütünün qalibi ilə qarşılaşacaq.
Bu gün, həmçinin, Azərbaycanın dörd sərbəst güləşçisi medal uğrunda mübarizə aparacaq. 92 kq çəki dərəcəsində Osman Nurmaqomedov finalda Feyzullah Aktürklə (Türkiyə) üz-üzə gələcək. 74 kq-dakı Cəbrayıl Hacıyev təsəlliverici qarşılaşmada Soner Demirtaşla, 86 kq-dakı Abubakr Abakarov Patrik Puespoeki (Macarıstan) - İvars Samusonoks (Latviya) duelinin güclüsü ilə qarşılaşacaq. Nəhayət, 125 kq-dakı Georgi Meşvildişvili bürünc medal görüşündə Abraham Konyedonun (İtaliya) müqavimətini qırmağa çalışacaq.
Avropa çempionatında daha əvvəl sərbəst güləşçilərdən Əliabbas Rzazadə (57 kq) və Hacı Əliyev (70 kq) qızıl, Maqomedxan Maqomedov (97 kq) gümüş medal əldə ediblər. Qitə birinciliyi aprelin 23-də başa çatacaq.
Digər Xəbərlər: