Oktyabrın 10-da Türkiyənin Yalova şəhərində 4 bal gücündə zəlzələ baş verib. Open.az xəbər verir ki, bu barədə Türkiyənin Fövqəladə Halların İdarə Olunması Agentliyi məlumat yayıb.

Yerli vaxtla saat 19:52-də qeydə alınan yeraltı təkanlar İstanbulda da hiss edilib.

Ocağı yerin 10,66 kilometr dərinliyində yerləşən zəlzələ Yalova şəhərindən 3,71 kilometr aralıda qeydə alınıb.

Dağıntı və xəsarət alanlar barədə hələ ki, məlumat yoxdur.