Türkiyədə koronavirusa yoluxma hallarının artması ilə əlaqədar karantin qaydaları sərtləşdirilib.

Open.az xəbər verir ki, yeni qərara əsasən, evlərdə ad günü, yas mərasimləri, qonaqlıqlar, eləcə də yeni il məclisləri keçirmək qadağan edilir.

Bundan başqa, yaşayış binalarının komendantları və ya sakinlər hər hansı bir evdə toplaşma olması barədə polisə məlumat verə biləcək.

Bu cür toplaşmaya görə həm ev sahibi, həm də qonaqlar 3 150 lirə məbləğində cərimələnəcək.

Qeyd edək ki, Türkiyədə bu günədək 670 minə yaxın yoluxma qeydə alınıb. Təkcə ötən gün 30 min şəxs koronavirusa yoluxub. Ölənlərin sayı 14 minə çatıb.