Bu yaxınlarda aktrisa-model Pamela Andersonla ailə quran prodüser Con Piters 12 gün sonra ondan ayrılmışdı.

Open.az xəbər verir ki, jurnalistlərə müsahibə verən 74 yaşlı prodüser özünü axmaq, aktrisanı isə yalançı adlandırıb.

O, bildirib ki, toya qədər Pamelanın 200 min dollarlıq borcunu ödəyib. Daha sonra isə onun bütün qarderobunu yeniləyib.

Pitersin sözlərinə görə, evlilik təklifini də ona aktrisa özü edib:

“O, mənə evlənmək istədiyini bildirdikdə arzularım yerinə yetdi. Mən ona görə öz nişanlımdan da ayrıldım. İllərlə heç cür qaytara bilmədiyi borcu onun üçün mən ödədim. Bunun qarşılığında da o, mənə belə təşəkkür etdi. Ən böyük axmaq elə qoca axmaqdır.”

Qeyd edək ki, keçmiş ər-arvad uzun illərdir ki, dostluq edirdilər.