Xalq artisti Faiq Ağayev aparıcı-ifaçı Murad Arifin rəsmi "Youtube" kanalında yayımlanan "Popumuz var" verilişində qonaq olub.

Open.az xəbər verir ki, çəkiliş zamanı yolda iki gənc öz aralarında dava etməyə başlayıb. Bunu görən sənətçi hadisəyə biganə qalmayıb.

Onların yanına yaxınlaşan Ağayev dava edən gəncləri ayırmağa müvəffəq olub: "Dözmürəm mən belə şeylərə. Necə yəni, iki uşaq. Burada da polis. İndi bunları misal üçün, bir siqaretə görə, bir xətalı, ehtiyatsız sözə görə... İçəri girənin psixologiyası dəyişir. Əksinə fikirləşsin ki, ondan yaşca böyük insan ona yaxınlaşıb "Sakit ol" dedi. O, bəlkə özü də sabah haradasa dava görəndə eyni hərəkəti edəcək. Nümunə olmaq lazımdır".