“CinemaPlus” kinoteatrlar şəbəkəsi Cem Yılmazın “Karakomik filmler 2” komediyasının nümayişinə başlayıb.

Open.az xəbər verir ki, bir bilet alan tamaşaçılar iki film izləyə biləcəklər.

Ssenaristi və rejissoru Cem Yılmaz olan “Karakomik filmler” silsiləsinin davamı olan “Karakomik filmler 2” “Deli” və “Emanet” adında iki filmdən ibarətdir. “Deli” ən böyük xəyalı sevdiyi qızın qarşısında oturmaq olan bir taksi sürücüsünün gecə növbəsində başına gələn hadisələrdən bəhs edir. “Emanet” isə istedad müsabiqələrinə qatılıb bu yolla məşhur olmağın xəyalını quran bir rəqqasın hekayəsindən bəhs edir.

Baş rollarda Cem Yılmaz, Çağlar ÇorumluÖzge Özpirinçci yer alıblar.

“CinemaPlus” hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.