Kişilərdən ibarət şahmat üzrə Azərbaycan yığması Gürcüstanın Batumi şəhərində keçirilən Avropa çempionatında növbəti görüşünü başa vurub.

Open.az xəbər verir ki, komanda VII turda İsveçrə kollektivi ilə üz-üzə gəlib. Qarşılaşma Azərbaycan komandasının qələbəsi ilə bitib - 2,5:1,5.

Eltac Səfərli və Qədir Hüseynov rəqiblərini məğlub edib. Rauf Məmmədov uduzub, Şəhriyar Məmmədyarov isə görüşünü heç-heçə başa vurub. Qələbə nəticəsində Azərbaycan yığması 11-ci xalını qazanıb.

Qadınlardan ibarət milli komanda hazırda meydan sahibi Gürcüstanla qarşılaşır. Xanım Balacayeva rəqibi ilə xalları yarı bölüb, digər bütün qarşılaşmalar davam edir.

Avropa çempionatı

VII tur, kişilər

Azərbaycan - İsveçrə - 2,5:1,5

Şəhriyar Məmmədyarov - Sebastyan Boqner - 0,5:0,5

Rauf Məmmədov - Yannik Pelletye - 0:1

Qədir Hüseynov - Niko Georgiadis - 1:0

Eltac Səfərli - Oliver Kurmann - 1:0

Gürcüstan - Azərbaycan - 3:1

Nana Dzaqnidze - Günay Məmmədzadə - 1:0

Lela Cavaxişvili - Xanım Balacayeva - 0,5:0,5

Bela Xotenaşvili - Gülnar Məmmədova - 1:0

Meri Arabidze - Türkan Məmmədyarova - 0,5:0,5

Qadınlardan ibarət Azərbaycan milli komandası isə VII turda meydan sahibi ilə üz-üzə gəlib və rəqibinə uduzub - 1:3.

Yığma üzvlərindən Xanım Balacayeva və Türkan Məmmədyarova görüşlərini heç-heçə ilə bitirib. Günay Məmmədzadə və Gülnar Məmmədova rəqiblərinə məğlub olub. 7 turdan sonra yığmanın 9 xalı var.