Noyabrın 20-də Nizami rayonunda əhalinin istiliklə təchizatı üçün bir sıra işlər görüləcək.

Open.az xəbər verir ki, “Azəriqaz”ın Mətbuat Xidmətindən verilən məlumata görə, "Azəristiliktəchizat" ASC-yə məxsus 344 saylı qazanxananı təbii qazla təmin edən orta təzyiqli qaz kəməri üzərində quraşdırılmış istismara yararsız siyirtmə yenisi ilə əvəzlənəcək. Bu zaman saat 10:00-dan etibarən Nizami rayonunda qazın verilişində fasilələr müşahidə ediləcək.