Masallı rayonunda azyaşlı qız gəlin köçdüyü evdə ölüb.

Open.az “Qafqazinfo”ya istinadən xəbər verir ki, hadisə bu gün səhər saatlarında baş verib. Rayonun Həsənli kənd sakini olan yetkinlik yaşına çatmayan qız iki həftə öncə Xoşçobanlı kəndindən olan oğlanla evləndirilib.

Onlar üçün təmtəraqlı toy məclisi də qurulub. Hazırda qızın meyiti daxili müayinə üçün ekspertizaya verilib.

Masallı Rayon Prokurorluğu məlumatı təsdiqləyib. Bildirilib ki, hazırda faktla bağlı araşdırmalar aparılır.

Masallı Rayon İcra Hakimiyyətindən isə bildirilib ki, mərhum qızın 16 yaşı olub:

“Qızın toyu olan vaxt bizə məlumat daxil oldu. Biz də bu barədə polisə məlumat verdik”.

Bildirilib ki, vəfat edən qız 2003-cü il təvəllüdlü Qəmbərova Fatimə Mayıs qızıdır.