Avtomobil sahiblərinin CNG, yəni sıxılmış təbii qazla təminatı üçün mühüm addımlar atılır.

Open.az xəbər verir ki, “Azəriqaz”ın Mətbuat Xidmətindən verilən məlumata görə, yanacaqdoldurma məntəqələrində bu istiqamətdə bəzi işlər görülür.

Noyabrın 20-də Xətai rayonu, Nobel prospekti 22-34 saylı məhəllədə yerləşən “SOCAR PETROLEUM” QSC-yə məxsus 21 saylı yanacaqdoldurma məntəqəsinin CNG sistemləri üçün çəkilmiş diametri 159 mm olan yüksək təzyiqli daşıyıcı qaz xətti qaz təchizatı mənbəyinə birləşdiriləcək. Bu işin icrası üçün sabah saat 10:00-dan etibarən Xətai rayonunun bir hissəsində qaz təchizatının müvəqqəti dayandırılmasına zərurət yaranıb.