Bakıda piyadanın vurulması ilə nəticələnən yol-nəqliyyat hadisəsi baş verib.

Open.az xəbər verir ki, Trend-in məlumatına görə, qəza Yasamal rayonu, Şərifzadə küçəsində qeydə alınıb. Minik avtomobili yolu keçmək istəyən piyadanı vurub. Müxtəlif dərəcəli bədən xəsarətləri alan şəxs, 1 saylı Kliniki Tibbi Mərkəzə çatdırılıb.

Mərkəzdən Trend-ə verilən məlumata görə, o, 1981-ci il təvəllüdlü Valehov Baxşehiş Yarqoca oğludur. Ona çanaq sümüyünün və qabırğaların sınığı diaqnozu qoyulub. B.Valehov reanimasiya şöbəsində müalicəsini davam etdirir.