Bu gün "Zirə" klubunun rəhbərliyi və baş məşqçi Samir Abasov arasında görüş keçirilib.

Open.az-ın klubun rəsmi saytına istinadən verdiyi məlumata görə, görüş zamanı “Zirə”nin cari mövsümdə göstərdiyi oyun və əldə olunan nəticələr müzakirə olunub. Müzakirələrin nəticəsində qarşılıqlı razılaşmaya əsasən klubla baş məşqçi arasında müqaviləyə xitam verilməsi qərara alınıb.

“Zirə” Abasova göstərdiyi xidmətlərə görə təşəkkür edib və gələcək karyerasında uğurlar arzulayıb.