"Karantin dövründə tətbiq olunan məhdudlaşmalar Xəzər dənizinin sahil sularının keyfiyyətinə də müsbət təsir göstərib".

Open.az xəbər verir ki, bunu Ekologiya və Təbii Sərvətlər naziri Muxtar Babayev Nazirlər Kabineti yanında Operativ Qərargahın brifinqində çıxışı zamanı deyib.

O bildirib ki, Nardaran, Pirşağı, Bilgəh ərazilərində dənizdə aparılan son monitorinqlər sahilboyu ictimai-iaşə obyektlərinin fəaliyyət göstərmədiyindən dəniz suyunun çirklənmə səviyyəsində azalmanın müşahidə edildiyini deməyə əsas verir.