Azərbaycan İlahiyyat İnstitutu “Vətənimin şairləri – şairlər Vətəni” müsabiqəsinə start verir.

Open.az xəbər verir ki, müsabiqə tələbələrin dünyagörüşünün artırılması, maarifləndirilməsi, onların mütaliə vərdişlərinin və nitq qabiliyyətlərinin formalaşdırılması, həmçinin gənclərdə yüksək mənəvi keyfiyyətlər və vətənpərvərlik duyğularının aşılanması məqsədilə təşkil olunur.

Azərbaycan ədəbiyyatı tarixində iz qoyan tanınmış şairlərin həyat və yaradıcılığına dair sualların yer alacağı müsabiqənin sonunda qaliblər mükafatlandırılacaq.

Müsabiqəyə qatılmaq istəyən tələbələr iyulun 17-dək ad, soyad, ata adı, tədris ili və qrup nömrələrini emilisbatov@ait.edu.az, shahinalesgerov@ait.edu.az elektron poçt ünvanlarına, yaxud (+99455) 200 21 03, (+99455) 529 93 80 “WhatsApp” nömrələrinə göndərməlidir.