Polşada keçiriləcək Frederik Şopen adlı klassik musiqi müsabiqəsində 500-dən çox pianoçu iştirak edəcək.

Open.az xəbər verir ki, müsabiqəyə Azərbaycanla yanaşı, dünyanın 53 ölkəsindən 16-30 yaşlı musiqiçilər qatılacaqlar.

Beynəlxalq müsabiqəsi artıq 18-ci dəfə təşkil olunur. İştirakçıların sayı ilbəil artır. Təkcə Çindən müsabiqədə iştirak üçün 100-dən çox pianoçu ərizə təqdim edib.

Müsabiqənin seçim mərhələsi aprelin 17-28-də keçiriləcək.

Qaliblər oktyabrın 2-də keçiriləcək finalda bəlli olacaq.