XXI əsrin ən yaxşı televiziya serialı “Taxt-tacların oyunu”dur.

Open.az xəbər verir ki, bu, Böyük Britaniyanın “Digital Spy” dərgisi tərəfindən keçirilən rəy sorğusu nəticəsində məlum olub.

Sonrakı yerləri “Netflix” şirkətinin məhsulu “Qəribə şeylər” (“Stranger Things”) və BBC məhsulu olan “Doktor Kim” (“Doctor Who”) serialları tutub.

Yuxarı onluğa habelə ardıcıllıqla “Şerlok”, “Şərə qarşı” (“Breaking Bad”), “Böyük britaniyalı bişir” (“Great British Bake off”), “Qətl ərəfəsi” (“Killing Eve”), “Qəvin və Steysi” (“Gavin & Stacey”), “Vəzifə borcu” (“Line of Duty”), “Çernobıl” kimi ekran əsərləri daxil olub.