Bu gün Xırdalan şəhərinin bəzi yaşayış massivlərində elektrik enerjisi təchizatında qısa müddətli fasilələr olacaq.

Bu barədə Open.az-a “Azərişıq” ASC Mətbuat xidmətinin rəhbəri Tanrıverdi Mustafayev bildirib.

Onun sözlərinə görə, Xırdalan Enerji Təchizatı və Satışı İdarəsinin xidməti ərazisində elektrik verilişi xətlərində aparılacaq yenidənqurma və təmir işləri ilə əlaqədar olaraq fevralın 25-də saat 12.00-dan 14.00-a qədər Xırdalan şəhərinin bəzi yaşayış massivlərində istehlakçıların elektrik enerjisi təchizatında qısa müddətli fasilələr yaranacaq.