Bu gün günorta saatlarında Şabran rayonunun Pirəmsən kəndində diametri 160 mm olan polietilen qaz xəttini texnika ilə qırıblar.

Bu barədə Open.az-a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Bildirilir ki, 460 abonentin qaz təchizatında müvəqqəti olaraq fasilə yaranıb. Artıq qaz kəmərində bərpa işlərinə başlanılıb.