Yaxşı qidalanmayan uşaqların boyunun 20 santimetrə qədər qısaboylu olmasına səbəb olduğu üzə çıxaıb.

Open.az xəbər verir ki, bu barədə İngiltərənin dünyaca məşhur həftəlik tibb jurnalı tibbi analiz nəticələri dərc edib.

Tədqiqat aparan İngilis alimlər 1985-ci illə 2019 arasında 5 və 19 yaş arasındakı 65 milyondan çox uşaq və yeniyetmənin yemək vərdişlərini təhlil edilib.

Tədqiqatçılar dünyadakı uşaqların boy və çəkisindəki dəyişikliklərin mövcud qidalanma keyfiyyətini əks etdirə biləcəyini bildiriblər. Tədqiqat qidalanmayan uşaqların boyunun digərlərindən daha qısa olduğu nəticəsinə gəlib.

Genetikanın hər uşağın boyu və çəkisində əhəmiyyətli bir rol oynadığını qəbul edən alimlər, ümumi əhalinin sağlamlığına gəlincə, qidalanma və ətraf mühit faktorlarının daha vacib olduğu qənaətinə gəliblər.

Araşdırmaya görə ən uzunboylu uşaqlar Niderland və Çernoqoriyadadır.Ən qısaboylular isə Cənubi və Cənub-Şərqi Asiyada, Latın Amerikasında və Şərqi Afrikada yaşayırlar.