Bu gün Bakının iki rayonunun qaz təchizatında məhdudiyyət yaranıb.

Bu barədə Open.az-a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Bildirilir ki, qaz xətlərində yaranmış sızmaların aradan qaldırılması və sazlama işlərinin aparılması ilə bağlı bu gün səhər saatlarından etibarən Nəsimi rayonu, Ə.Qasımzadə, M.Qaşqay küçələrində, həmçinin Binəqədi rayonu, 1-ci Mədən “10-cu korpus” adlanan ərazidə qaz təchizatı dayandırılıb.